قصيدة جيل اليوم :
قياس قصيدة بوسالف مريم للمرحوم الشاعر
محمد بن عمر
مايعيش فالدنيا مرتاح غير من كان مجند
بسلاح الخصايل والفضال على الجد مشمر
بسم الله في نظامي نبدا بعون الحي المخلد
والصلاة على خاتم الرسال الحبيب المنور
ما حز في خاطري ودهاه غير هدا الجيل المقلد
اترك السنة و فضح المستور لعرى راه مشهر
لا حقوق يدريها تطبيق لا واجب منفذ
ومايوكد غير في الموضة والسروال مزير
كي تشوفو ماتعرفو جنس بنت هو ولا ولد
وغير اخرج قدامو تنجا توالي راه مخذر
مايصبو راحة فالدار وإلا نصحوه يتمرد
بكلام بذئ يجاوبهم على باباه يتعنتر
فالقراية ما يحشم وعلى استاذو يتهدد
لاهلو واصحابو فالكلام توجدو غير يخصر
داير الخيوط فوذنيه عند بالو راه يتلذذ
بغنى ساقط قبيح ف نفسو راه معصر
كان سألتيه على الريال يحكيلك ويعاود
لكن فالاخلاق والعلوم هو ديما موخر
يا أولاد بلادي الغيرة باش راني ننتقد
بلا أدب وعلوم نفيسةحياتكم ما تعتبر
راه الوطن على جدكم فالمستقبل يعتمد
ترفعو راية التنمية باش البلاد تزدهر
باش بديت نختم المقام فذكر الله نمجد
والسلام للاحبار جميع بالزبرجد وعنبر
و الناظم سبعة عشرة زيد اربعة سيف مهند
والجاحد بقيود الجهلة عند العقال محقر
الصلاة والسلام على إمام الورى محمد
سيد الخلق جميع شفيعنا يوم المحشر
💼 زجل من نظم زايد وهنا 💼
ليست هناك تعليقات:
إرسال تعليق